Tərkibi:
xəmiri üçün:
2 stəkan un
yarım stəkan şəkər tozu
1 paket qabartma tozu
100-150 qram kərə yağı
içlik üçün:
400-500 qram kəsmik və ya duzsuz şor
1 stəkan şəkər tozu
1 paket vanil
4 ədəd yumurta
Unu ələkdən keçirib üzərinə yarım stəkan şəkər tozu, qabartma tozu və otaq temperaturunda yumşalmış kərə yağını əlavə edib umac halına salırıq. Ayrıca qaba şor töküb üzərinə şəkər tozu, vanil və yumurtaları töküb tam həll olunana qədər qarışdırırıq.
Umac halında olan xəmirimizi biri daha böyük olmaqla iki hissəyə bölürük, böyük hissəni sobanın qabına səpələyib yüngülcə bərkidirik. Şorlu qarışığı üzərinə yayırıq, üstündən ikinci hissə xəmiri səpirik. Əvvəlcədən 180 dərəcəyədək qızdırılmış sobada 45-50 dəqiqə bişiririk.
Asan başa gələn bu ləzzətli nemətin süfrənizin ən çox arzulanan təamı olacağından əminik.
